म्हारो प्यारो राजस्थान

नावं सुण्या सुख उपजै ! नावं सुण्या सुख उपजै हिवड़े हरख अपार । इस्यो मरुधर देश में घणी करे मनवार ।। मरुधर सावण सोवणो बरस मुसलधार । मरवण ऊबी खेत में गावे राग मल्हार|| सोनल वरणा धोरिया मीसरी मघरा बैर । बाजरी की सौरभ गमकै ले - ले मरुधर ल्हैर ।। पल में निकले तावड़ो पल में ठंडी छांह । इस्या मरुधर देश में खेजड़ल्या री छांह ।। मरुधर साँझ सुहावणी बाजै झीणी बाळ । बालक घैरै बाछडिया गायां लार गुवाल ।। रिमझिम बरसे भादवो छतरी ताने मौर । मरुधर म्हारो सोवणों सगला रो सिरमौर ।। झुमै फाग में गूंजे राग धमाल । घूमर घालै गोरड्या उड़े रंग गुलाल ।। देसी राजपूत की देसी सोच ।